كيف تحافظ على بطارية الماك بوك و الايفون‎

أكتوبر 09, 2011

كيف تحافظ على بطارية الماك بوك و الايفون‎

تعتبر بطاريات شركة ابل من البطاريات القوية وتحافظ على شحنها لوقت اطول من غيرها من الشركات

لكن كثير مننا يشتكي من ضعف البطارية واكتشفت ان السبب بعض العادات الي نمارسها و نغفل عنها تسبب ضعف واستهلاك للبطارية
وانا غيرت بطارية الماك بوك مرتين ! بس الحمدالله ان الثالثه ثابته و صحتها زينة
نجي نشوف الحين خطوات عشان نحافظ على بطارية الاب توب
هذا شكل البطاريه

قبل كل شي كيف نعرف حاله البطارية او كيف نكتشف ان البطارية ممتازه او ضعيفه

اول شي نروح هنا

ونضغط على معلومات اكثر "more information"

الحين ركزوا بالصوره شوي

اضغط على الصورة لرؤيتها بحجمها الطبيعي

بالنسبة للملاحظة الي لونها اخضر ، الي بالصوره مو متساوين ليه لاني فاصلة الشاحن عن الجهاز و الشحن مو كامل اساس
لكن هذا لا يعني نجلس نوسوس كل شوي داخلين عليه و نقارن بس لما الجهاز يشحن كامل

والملاحظة الي لونها بنفسجي وازرق: فيه ناس يطلعلهم اكثر من ميتين حسب المرات الي شحنت فيها الجهاز طبعا هذا الكلام لا يعني دائما
ان اللي يشحن اكثر تضعف بطاريته اكثر لا ! حسب طريقة الاستخدام

مثلا شفت جهاز بنفسي العدد 700 و الحاله نورمال "طبيعي" وشفت بالانترنت صوره العدد 400 و الحاله check your battery
بس اكيد ان العدد الاكبر يعني استهلاك اكبر اتمنى وضحت الفكره

بعد ما عرفنا كيف نشوف حاله البطارية ، نجي نشوف الخطوات الي تساعدنا على المحافظة على البطارية لاطول وقت ممكن

اول شي مهم جدا جدا ان لا تشحن الجهاز و هو فيه شحن اساسا هذه اكبر غلط ! و اكثر شي يرهق البطاريه
مثلا الشحن على 60 % وتشبكه عالشاحن هذاخطا كبيراول سبب في ضعف البطارية
لا تشبك الشاحن الا اذ طلع لك هالمسج

فيه ناس قالولي ان بطارية الماك احسن انك تخليها دايم عالشاحن لانها اذا صارت فل تصير تشبك عالكهربا مو على البطاريه
فيه ناس ايدوا و انا من بعد ما مشيت على هالطريقة كانت النتيجة اني غيرت بطاريتي لان صار الجهاز ما يشتغل الا بالشاحن
فطريقة الشبك على الشاحن دايم ما ناسبتني والله اعلم

الخطوة الثانيةنروح عند الاعدادات

هنا بالصور خاصية اننا نسوي "sleep " للجهازبمعنى انه الجهازيطفى بشكل مؤقت بدون ما تتسكر البرامج و لا الاشياء الي انت فاتحها بهدف تخفيف البطاريه .. مثلا انت جالس عالجهاز و جاكم عامل في البيت و لازم تروح تقابله طبعا ماراح تسوي شت داون مره وحده ولا بتخليه مفتوح و تهدر البطارية ، الحل هنا انك تحدد وقت .. متى الجهاز يطفى بشكل مؤقت ومحدد هو مثل ما نشوف بالصوره ممكن بعد دقيقة او ربع ساعه او ساعه او 3 ساعات او ابد مايطفى

واذا طفى و بعدين رجعت للجهاز اضغط اي شي بالكيبورد و يرجع يفتح و الي حاط حاط كلمه سر يرجع مره ثانيه يدخله
هذا الطريقة ممتازه لحفظ اداء البطارية و نتذكر كلما حطينا وقت اقل كلمه كلما كان افضل يعني الدقيقة احسن من الساعه

هذه الخطوات بالنسبة للسستم نفسه

الحين نجي للعادات الخاطئة الي بعضنا يسويها
1- طبيعي اننا لما نشتغل على الاب توب نفتح على اكثر من شي مثلا نفتح الاننترنت وبنفس الوقت فاتحين الوورد و بعدين نفتح المسنجر و…

معلومه تخصص*:البرامج الموجوده بالاب توب وين مخزنه ؟ مخزنه بالهارد دسك طيب لما نجي نفتح الجهاز و نضغط على الوورد معناها اننا نقلنا الوورد من الهارد دسك الي الميموري
يعني البرامج الي تفتح قدامنا موجوده بالميموري و اذا صكرنا الجهاز كامل يرجع البرنامج الي الهارد دسك وهكذ
نسنتنج اننا كلما فتحنا اشياء كثيره بالميموري كلما كثر استهلاك البطاريه وشوفو هذا المثال
النقط الي تحت البرامج معناها ان البرامج قيد الاستخدام وكلما كثرت النقط كلما زاد استهلاك البطاريه
فالصوره كنت فاتحة الانترنت و بنفس الوقت فاتحة برامج غيرها و المفروض اني اذا خلصت من استخدامها اسوي
rightclick – quit VLC
quit adobe reader
quit Microsoft power point
الافضل اني اسوي لها خروج او انسحاب لاني خلصت استخدامها و قعدت اطالع اليوتيوب

2-البلوثوث الي يجي فوق menu

البلوتوث اذا مالك حاجة فيه طفه و لا تخليه on اذا مو قاعد تستخدمه

3- لو دخلنا cd or DVD دايم نحرص اننا نطلعه اول ما نخلص منه لان برضو وجوده بدون فايده يستهلك البطاريه

4- مافي داعي نحط ضوء الشاشه على اعلى شي

جربو من الكيبورد اذا خففتوه للنص تشوفون زين
*معلومات بطارية الماك بوك تاكدت منها من محل ابل بنيوورك

بطارية الايفون

نصايح بسيطة تساعد على المحافظة على البطارية وتشبه الماك بوك
اول شي نعيد لا تشحن اذا اذا كان فيه شحن

1- البرامج قيد الاستخدام

نفس الفكره اذا ضغطنا ضغطتين على الزر يطلع لنا كذا (البرامج الي نستخدمها و بعدها قيد الاستخدام)

هنا طالع تحت البرامج الي انا فاتحتها واذا مشيت يمين بيطلع اكثر الافضل اننا نضغط ضغطة طويله
ونسكرها خصوصا ان مالها فايده و تضيع البطارية

2- ثري جي

هم كاتبين تحت الثري جي انه يستهلك البطاريه ، مثلا اذا كنت بالبيت اشبك عالوايرلس وطف الثري جي
واذا طلعت شغل الثري جي

3- location

مايحتاج تقول للعالم وينك فيه ! خاصية تحديد الموقع تاخد جهد عالجهاز + البطاريه خصوصا الخرائط
اختار الي تبيه و الي ما تبيه خله عالاوف زي الي بالصوره كله ماله داعي احدد موقعي

4- الاضاءة

مره ثانيه الاضاءة القويه ما تحتاج

.. اللي بالصوره اقل من النص وواضحة
وحطوا عالاوتو ( تلقائي )

5- bluetooth

اذا ماله حاجة off !

هذه الطرق الي طبقتها بنفسي و فادت معي
سوو بحث بالانترنت أكثر بتلاقون نصايح أكثر و بعد شوفو اليوتيوب فيه فديوات كثيره عن البطاريه

* * *
ان اصبت فمن الله و ان اخطات فمن نفسي و من الشيطان